【Emily】方仲賢出獄 下月赴英讀書
[2022.08.12] 發表
【明報專訊】浸大學生會前會長方仲賢於2019年雷射筆案，因拒捕同妨礙司法公正兩罪罪成被判囚9個月，噚日刑滿出獄，唔少親友去接佢。網媒「獨立媒體」報道，方仲賢話9月就要去英國倫敦大學亞非學院讀國際關係課程，但未知會唔會移民。至於會唔會唔捨得香港，佢就話「無，呢度只會沉淪」。
方仲賢噚日朝早喺親友迎接下「出冊」，方媽媽仲安排咗消災解厄儀式，等佢跨過符紙。講到獄中生活，佢話喺監獄負責喺飯堂遞飯，靠女朋友同朋友嘅信捱過呢幾個月，過得唔算差。
民政及青年事務局長麥美娟噚日出席活動時都有回應方仲賢離港，話會盡力幫每一個後生仔喺香港發展，無論佢哋之前做過啲咩、將來打算去邊，都願意聽每個後生仔嘅聲音。
更多港聞
【Emily】中大學生報改名「大學社區報」 盼續連結校園
【明報專訊】多年緊貼香港中文大學校政及時事嘅《中大學生報》，其facebook專頁噚日改名為「大學社區報」，同時更新頭像，顯示用紅筆刪去舊名... 詳情
【明報專訊】繼上月底政府招聘2000名助理文書主任（ACO），Emily聽講政府今日會公開招聘文書助理（CA），目標招聘1800人。文書助理...
詳情
【Emily】安安元宇宙「再生」 市民可化身「護理員」
【明報專訊】海洋公園上月為身體狀况轉差嘅35歲大熊貓安安進行「安樂死」，園方噚日發新聞稿，話同香港科技初創開發商AiR World Limi... 詳情相關新聞
