【Emily】安安元宇宙「再生」 市民可化身「護理員」
[2022.08.12] 發表
【明報專訊】海洋公園上月為身體狀况轉差嘅35歲大熊貓安安進行「安樂死」，園方噚日發新聞稿，話同香港科技初創開發商AiR World Limited合作，將公園嘅保育工作帶到AiR旗下遊戲應用程式Adventure in Reality(AiR)，推出全新元宇宙體驗，向安安致敬。
市民可以喺元宇宙化身護理員「親自照顧」安安，並從中了解更多有關大熊貓呢個被《國際自然保護聯盟紅色名錄》列為易危嘅物種。
喺呢個元宇宙遊戲中，玩家可透過小遊戲得知安安生活點滴同相關嘅大熊貓知識，例如估吓安安最愛嘅食物，喺虛擬世界為安安送上「心心」同花束，感謝佢為大家留下美好回憶。
另外，玩家亦可「親臨」大熊貓盈盈同樂樂居所掃描二維碼，解鎖遊戲特別版，喺元宇宙中與大熊貓零距離互動玩遊戲。
更多港聞
相關新聞
