【Emily】中大學生報改名「大學社區報」 盼續連結校園

[2022.08.12] 發表

【明報專訊】多年緊貼香港中文大學校政及時事嘅《中大學生報》，其facebook專頁噚日改名為「大學社區報」，同時更新頭像，顯示用紅筆刪去舊名嘅「中」及「生」字。

大學社區報噚日出版迎新特刊，話自從中大學生會宣布「解散」，會室同出版資金一併冇埋，不過佢哋依然相信需要喺校園內連結、服務同學，以及傳遞大家嘅聲音，無可避免選擇向學校註冊成立全新組織，並改咗個「難聽嘅名」。

噚日亦係中大新生迎新日，大學社區報搞咗兩場免費嘅「非官方校史團Tour」，社區報喺社交媒體上介紹時強調唔係睇樓團，而係希望同新生探討「中大係咪等於暴大、有自由同人文精神」，又話大學唔止得呢啲嘢，亦想帶大家「奪回屬於我哋嘅中大同歷史」。

更多港聞

【明報專訊】繼上月底政府招聘2000名助理文書主任（ACO），Emily聽講政府今日會公開招聘文書助理（CA），目標招聘1800人。文書助理... 詳情

【明報專訊】海洋公園上月為身體狀况轉差嘅35歲大熊貓安安進行「安樂死」，園方噚日發新聞稿，話同香港科技初創開發商AiR World Limi... 詳情