【Emily】今年多抗疫專家獲嘉獎 張竹君無獲勳 陳穎欣戥唔抵
[2022.07.28] 發表
【明報專訊】政府噚日公布2022年授勳名單，新冠疫情爆發兩年多，衛生防護中心傳染病處主任張竹君一直未獲嘉獎。工聯會立法會議員陳穎欣(新界西南)噚日就為佢抱不平，認為多名政府專家顧問都獲授勳，而張竹君作為市民幾乎一年365日都見到、最深入民心嘅抗疫人物，實在係今次授勳嘅「遺珠」。
Emily睇番授勳名單，除咗專家顧問孔繁毅、劉澤星同劉宇隆獲頒銅紫荊星章，不時向公眾交代疫情發展嘅醫管局3名總行政經理何婉霞、庾慧玲、劉家獻，都獲頒行政長官社區服務獎狀。
張宇人獲大紫荊
謝家人「過去承受不必要壓力」
另外，多名獲授勳嘅政界人物都喺facebook發表感言。獲頒大紫荊勳章嘅行會成員、自由黨議員張宇人特別感謝家人支持佢從政，「在過去幾十年來，承受不必要的壓力及指控的付出」。同獲頒大紫荊勳章嘅經民聯監事會主席林建岳就話，能夠為香港、為國家服務係佢人生最大榮幸，感謝各界朋友多年支持。
獲頒金紫荊星章嘅經民聯前議員張華峰就話，金融界人才輩出，雖然佢唔係最有能耐同最叻，但肯定係最有熱誠同有心，仲話只要大家齊心合力，香港股市一定「蒸蒸日上，愈升愈有」。民建聯主席李慧琼獲頒金紫荊星章，佢話榮譽應該歸於每個為國家同香港打拼付出嘅朋友。
更多港聞
【Emily】《香港志》出英文版 講香江7000年事
【明報專訊】香港地方志中心噚日喺禮賓府舉行《香港志》首冊英文版《總述 大事記》出版典禮。特首李家超、外交部駐港特派員公署特派員劉光源、多名官... 詳情
【Emily】故宮3餐廳開張 嘗中西美食歎海景
【明報專訊】香港故宮文化博物館本月初正式向公眾開放，其中3間位於博物館大樓LG層嘅餐廳已經正式營業，當中包括 Cupping Room 、香... 詳情
【明報專訊】新冠疫情升溫，長者安居協會話，平安鐘用戶通報嘅確診由6月初8宗升至7月120幾宗，增幅達14倍。疫情同炎夏夾擊，唔少老友記要居家...
詳情
【Emily】緬甸處決異見者 人權組織轟貿發局宣傳當地旅業
【明報專訊】緬甸軍政府日前公布處決咗當地4名異見人士，另一邊廂，緬甸駐港總領事館日前連續第二年喺香港書展擺攤位（圖），宣傳去緬甸旅行。緬甸人... 詳情
【Emily】「胡亂跳水切勿試」英文點講？ 法定語文主任分享翻譯心得
【明報專訊】「泳池水深必要知 胡亂跳水切勿試」係2018年康文署水上安全活動標語比賽得獎作品，有無想過點樣可以準確傳神咁翻譯成英文呢？法定語... 詳情相關新聞
