【Emily】兩岸政治人物支持度 朱鎔基居首習第4
[2022.07.27] 發表
【明報專訊】香港民意研究所月初訪問咗1003個香港市民，要求佢哋喺未經提示下講出10個最熟悉嘅當今中國同台灣領導人名稱，再為佢哋嘅支持度評分，得出十大兩岸政治人物。
溫家寶第二 李克強第三
調查發現，喺10個港人最熟悉嘅當今兩岸領導人當中，支持度排首位嘅繼續係前總理朱鎔基，得72.3分，支持評分較6個月前升5.6分，亦係2012年4月以來新高；前總理溫家寶同現任總理李克強分別以66.2分同65.1分緊隨其後。國家主席習近平認知率雖然以94.1%排第一，但支持度評分係64.7，只係排第四，不過就升咗7.1分，係十大之中進步最多。
第五至第十位依次係前國家主席胡錦濤、國務委員兼外長王毅、前國家主席江澤民、台灣前總統馬英九、台灣總統蔡英文、台灣前總統陳水扁，其中蔡英文支持評分39.2，跌8.5分，跌幅係十大之中最大，亦係2011年9月以來新低。
更多港聞
相關新聞
