【Emily】日均兩篇 林鄭新聞稿增七成
[2022.04.12] 發表
【明報專訊】民政事務局日前向立法會財委會特別會議提交預算開支文件，當中披露問責官員過去3年發出嘅新聞稿數目，其中特首林鄭月娥喺2021/22年度共發出721篇新聞稿，較前一年度嘅428篇大增七成，平均每日有兩篇新聞稿，亦係問責班子中最多。
見傳媒發言問答稿下跌
不過，Emily分析新聞稿數目嘅分類，發現林鄭月娥過去一年見傳媒嘅發言以及問答內容新聞稿，均不升反跌，分別由2020/21年度嘅27和102篇，跌至2021/22年度嘅18和99篇；而林太出席活動嘅致辭稿，就由2020/21年嘅95篇急升1.6倍至上年度嘅245篇。
至於其他司局長，多數人過去一年嘅新聞稿數目都有增加，去年4月接任公務員事務局長嘅聶德權增幅最大，去年度發出298篇稿，較前一年度時任局長羅智光嘅146篇增逾1倍。只有4人嘅新聞稿較同一職位上年度比較有減少，包括發展局長黃偉綸、教育局長楊潤雄、去年4月接任財經事務及庫務局長嘅許正宇，以及去年6月接任保安局長嘅鄧炳強。
另外，民政局公開上年度政府新聞處用於外判社交媒體製作嘅開支為290萬元，較2020/21年度增加16%。
更多港聞
【Emily】交提名見唔到李家超 選委貼與競選辦副主任合照
【明報專訊】李家超喺宣布參選特首後，數以百計選委親自去到其競選辦送上提名，唔少選委趁機影相打卡上載到facebook，好似工聯會鄧家彪就撞啱... 詳情
【明報專訊】政府呼籲市民喺本月8至10日一連3日做快速檢測，民建聯立法會議員鄭泳舜（Vincent）響應，前日（10日）快測結果呈陽性，佢話...
詳情
【Emily】民主黨開網店籌款 賣卿姐金句明信片
【明報專訊】民主黨過去兩年因新冠疫情未能籌款，加上區議員辭職或被取消資格，因而陷入財困，噚日宣布決定開網店籌款。除咗布袋、扣針、信紙外，仲推... 詳情
【明報專訊】《星笈中文》文憑試講座邀請了仁濟醫院王華湘中學雷國威老師、新會商會陳白沙紀念中學梁璇筠老師及滙基書院（東九龍）余震宇老師，分別分...
詳情
相關新聞
