【Emily】交提名見唔到李家超 選委貼與競選辦副主任合照
[2022.04.12] 發表
【明報專訊】李家超喺宣布參選特首後，數以百計選委親自去到其競選辦送上提名，唔少選委趁機影相打卡上載到facebook，好似工聯會鄧家彪就撞啱見到李家超，齊齊合照，至下晝李去工聯會，阿彪有份接待，難怪阿彪講笑話大家有緣分。不過，有部分選委交表時見唔到李家超，轉而上載同李家超競選辦正副主任嘅合照，例如民建聯顏汶羽及李世榮就同競選辦主任、民建聯會務顧問譚耀宗合照。新民黨李梓敬更上載李家超擔任司長時嘅合照𠻹。
有市民行行吓街撞到李家超並集郵。李家超噚日拜訪工聯會，多名保安人員隨行，有小朋友想同佢合照，李蹲低影相，合照後佢問小朋友：「有冇溫書啊？」
李家超都有將其集郵相擺上自己個facebook競選專頁，包括同前特首梁振英嘅合照，李並表示「非常感謝全國政協副主席梁振英先生今天(10日)下午親自到來提名支持」。
更多港聞
【明報專訊】政府呼籲市民喺本月8至10日一連3日做快速檢測，民建聯立法會議員鄭泳舜（Vincent）響應，前日（10日）快測結果呈陽性，佢話...
詳情
【Emily】民主黨開網店籌款 賣卿姐金句明信片
【明報專訊】民主黨過去兩年因新冠疫情未能籌款，加上區議員辭職或被取消資格，因而陷入財困，噚日宣布決定開網店籌款。除咗布袋、扣針、信紙外，仲推... 詳情
【明報專訊】《星笈中文》文憑試講座邀請了仁濟醫院王華湘中學雷國威老師、新會商會陳白沙紀念中學梁璇筠老師及滙基書院（東九龍）余震宇老師，分別分...
詳情
相關新聞
