【Emily】響應做快測 鄭泳舜揭陽性
[2022.04.12] 發表
【明報專訊】政府呼籲市民喺本月8至10日一連3日做快速檢測，民建聯立法會議員鄭泳舜(Vincent)響應，前日(10日)快測結果呈陽性，佢話已即時通報衛生署，根據當局嘅隔離令自我隔離。Vincent話身體狀况尚可，已服食中成藥治療並居家工作，希望盡快康復後繼續喺抗疫前線服務市民。
Vincent同Emily講，前日已經有病徵，唔係太舒服，有啲發燒同頭痛，朝早做快測未能確認係咪中招，到下晝3至4點再做多次才知染疫，見到較淺色嘅第二條線。佢話，上個星期都有去派防疫包同見人，唔知喺邊度中招，但強調無接觸過參選特首嘅前政務司長李家超，以及其競選辦公室成員。
佢話今次要多謝政府派發嘅防疫包，因為用到當中嘅連花清瘟膠囊，「防疫包真係有用處㗎」。
Vincent話疫情依然嚴峻，呼籲大家除咗打疫苗外，出門前都應先做快速測試。
更多港聞
【Emily】民主黨開網店籌款 賣卿姐金句明信片
【明報專訊】民主黨過去兩年因新冠疫情未能籌款，加上區議員辭職或被取消資格，因而陷入財困，噚日宣布決定開網店籌款。除咗布袋、扣針、信紙外，仲推... 詳情
【明報專訊】《星笈中文》文憑試講座邀請了仁濟醫院王華湘中學雷國威老師、新會商會陳白沙紀念中學梁璇筠老師及滙基書院（東九龍）余震宇老師，分別分...
詳情
相關新聞
