【Emily】港台腰斬節目 主持班底再開拍 《哲學係咁傾》眾籌60萬達標
[2021.11.06] 發表
【明報專訊】港台今年中叫停招牌節目之一嘅《五夜講場》系列，其中《五夜講場：哲學有偈傾》主持班底噚日喺「好青年荼毒室-哲學部」嘅facebook宣布再開拍哲學清談節目《哲學係咁傾》，話「真係好想講落去，好需要大家嘅支持」。一眾主持計劃試拍一季節目，大約有30至40集，於是發起眾籌，以平均一集要1.5萬至2萬蚊計，眾籌目標係60萬，「籌夠就開拍」。
半日夠數有凸 千幾人「課金」
一班主持拍咗段短片，自嘲「人哋(港台)cut得你總有啲道理嘅」，又話「哲學使人自由」，所以要討論吓，仲預告第一集主題係「我迷失在這場哲普遊戲中」，將會講哲學普及。一班主持話籌夠錢就開拍，睇嚟佢哋好快要「開工」，噚日下晝約1點宣布眾籌後，截至午夜前已籌夠有凸，有1200幾人「課金」，即平均每位「金主」肯畀近500蚊！
一班主持喺眾籌網介紹，原來《哲學有偈傾》係2017年開拍，一共拍咗5季共132集，如果眾籌成功，新節目將會同之前5年一樣，每逢星期一晚同大家討論哲學。
更多港聞
【Emily】工聯會陳穎欣造勢 何君堯又撐場 日前撐選同區陳恒鑌
【明報專訊】參選立法會新界西南地區直選嘅工聯會陳穎欣，噚日報名前搞咗個造勢大會，工聯會副會長麥美娟、立法會前議員王國興當然有到場支持後輩，但... 詳情
【明報專訊】再有官員手部出事要做手術，今次係保安局長鄧炳強，網媒「香港01」噚晚報道，鄧炳強前日因手部問題去咗醫院做手術，佢哋嘅記者噚晚喺醫...
詳情
【明報專訊】立法會選舉正值提名期，做過兩屆立法會議員嘅選委林大輝接受「堅料網」訪問時話，40名選委會界別嘅議員要有認受性，政治素人欠缺從政、...
詳情
相關新聞
