【Emily】高官又整親手 鄧炳強入院做手術
[2021.11.06] 發表
【明報專訊】再有官員手部出事要做手術，今次係保安局長鄧炳強，網媒「香港01」噚晚報道，鄧炳強前日因手部問題去咗醫院做手術，佢哋嘅記者噚晚喺醫院停車場見到鄧炳強，佢同記者講「好小事啫」，無影響工作，但未有透露入院具體原因。
保安局噚晚發新聞稿，話鄧炳強因手肘受傷發炎，曾喺醫院接受小手術，工作唔受影響。據了解佢今次係整親左手，噚晚要留醫一晚。
特首林鄭月娥早前喺禮賓府跌倒令右手手肘輕微骨折，佢日前接受有線電視專訪時話仍要做物理治理，估計要幾個月先康復。食物及衛生局長陳肇始喺上任以來亦至少三次整親手，律政司長鄭若驊前年亦喺英國跌親，整傷左手腕。
更多港聞
【明報專訊】立法會選舉正值提名期，做過兩屆立法會議員嘅選委林大輝接受「堅料網」訪問時話，40名選委會界別嘅議員要有認受性，政治素人欠缺從政、...
詳情
相關新聞
