【明報專訊】有醫護醞釀罷工，香港創建及工程人員總會噚日朝早擺街站派發白絲帶，聲援醫護嘅行動。籌委會主席魏梓維(Chris)話，總會舊年12月先刊憲成立，仲未選出理事會，所以未能發起受《僱傭條例》保障嘅工業行動。

總會涵蓋前線釘板工、安全主任、建築師等工種，Chris話已經招募到800幾個會員。佢又話會員會費訂喺800元一年，有唔少人覺得貴，佢強調會費有一半會撥入「會員支援基金」，必要時用嚟支持業界嘅工業行動。