【明報專訊】立法會議員朱凱�Y早前打住「民主透明、革新鄉政」�嚘X號參加鄉郊代表選舉，被指隱晦地支持港獨而被DQ。佢噚日�鬘萿k會提出質詢，發言提到現時鄉事委員會主席，可以做埋區議會當然議員、特首選舉選委，但鄉委會�鼤梒斑僱{、運作都唔透明，又話自己作為八鄉村民，都唔知八鄉鄉委會章程。鄉議局主席劉業強(圖)提問時就趁機反駁，話有93%鄉委會委員係經鄉郊代表選舉產生，有民意基礎，鄉委會選舉都有依章程法則進行，所以唔係欠缺透明度。

民政事務局長劉江華回答時話，鄉委會選舉有一定章程規範運作、有選舉法則，選舉過程有民政專員作為選舉主任睇住，確保選舉公平公正；而鄉委會運作方面都有章程、法例可以應用。佢又話，鄉郊選舉有歷史傳統，政府尊重，但亦會與時並進，吸納社會意見，�鷇m議局今年6月換屆後，將社會意見帶到鄉議局磋商，研究點樣進一步改善鄉郊選舉。

劉業強早已表明有意競逐連任鄉議局主席，而副主席張學明就好大可能唔競逐連任副主席。Emily會後問劉業強睇好邊個做張學明接班人，佢話27個鄉委會選舉未完，無正面回應邊個係佢心水副手。