【明報專訊】本土民主前線梁天琦暴動同襲警罪成被判囚6年，工聯會立法會議員郭偉强喺facebook專頁話梁天琦等人係時代嘅犧牲品，批評「某些政黨、學者、宗教領袖，不斷教唆他人提升暴力水平」，結果引發同網民罵戰，有網民話「工聯會係香港暴動界嘅始祖」，郭偉強駁斥指「五十幾年前的事，你和我都未出世，你卻只聽片面之詞，爭住做反對派隻卒？」 郭批某些政黨學者教唆他人 有網民拎當年六七暴動嘅判刑同旺角大衝突比較，指出六七暴動造成多人死傷，質疑郭偉强無資格發言。郭回覆網民話「對於各位的能力只限於背誦經過別人篩選過的內容，我只感惋惜」，並指歷史錯綜複雜，「唔係人哋畀佢一部分資料，就引經據典」。 郭偉强同Emily講，發表感言並非落井下石，只係睇唔過眼有政黨、學者及宗教領袖教唆他人，令年輕人失去前途，「大家應該從歷史上汲取教訓，以社會安穩為大前題(提)」。 另一邊廂，香港本土毛孟靜(Miss Mo)噚日舉行傳媒茶敘批評香港常見內地用語，席間提及梁天琦刑期，透露有傘後組織成員曾同自己講，話梁早前被收押時變得抑鬱感性、需要支持，亦想人寫信畀佢，但就無乜人寫，Miss Mo講講吓不禁眼泛淚光、聲音抖顫，呼籲大家如果同情梁天琦，都寫信鼓勵吓佢咁話。 Miss Mo亦喺fb貼文，形容過去一段長時間覺得梁天琦係「囂」，直至暴動案開審，喺報章讀到佢嘅自辯，對佢「原本烙印般的印象」開始褪減，取而代之係「真」。Miss Mo話，梁天琦當初決定從美國返港受審，自己作為一個媽媽，或者會勸佢唔好返香港，但作為一個香港人，係感激佢嘅承擔。
|
| |
| |
;){kind=small}
;){kind=small}
;)
