【明報專訊】港台節目《鏗鏘集》慶祝啟播40年，噚日搞分享會，請嚟多名受訪者同製作人對談今昔。行政會議成員湯家驊(Ronny)被問到做立法會同行政會議成員嘅分別，Ronny話佢喺立法會「無能為力」，就算可以說服到69名議員，都做唔到佢想做嘅事，但如果喺行會，佢只要說服到特首林鄭月娥，就有機會影響施政。

《鏗鏘集》40周年 受訪者談今昔

佢仲話發現行會內有一兩名成員睇法與佢相近，所以喺行會嘅經歷，比佢喺立法會時開心。

分享會又搵嚟天主教香港教區榮休主教陳日君樞機談「敢言」，陳日君話內地近年對宗教活動嘅處理愈來愈緊，如唔准佢哋舉行彌撒，陳日君話會繼續為地下教會發聲。

《鏗鏘集》自1978年啟播至今，播出超過1700集。港台搞咗個 「鏗鏘四十 有種紀錄」放映x分享會，1小時特輯將於6月2日(周六)晚上7點半於港台電視31及31A播映。