【明報專訊】政府為響應「香港國際博物館日」，市民可以係嚟緊星期六、日(12至13日)免費去40個康文署轄下嘅博物館、文化場館或其他本地文化博物館。除咗大家耳熟能詳嘅歷史博物館同科學館，仲可以趁機會發掘下唔同地方。 康文署網站列出晒40個免費開放嘅博物館名單，部分可能大家都比較少認識，例如介紹唔同地方飲食文化嘅稻鄉飲食文化博物館；仲有重修19世紀客家村舍、介紹客家文化嘅上窰民俗文物館等。 除咗免費入場，同時有唔同節目畀公眾參與。例如歷史博物館有個創意萬花筒製作工作坊；香港海防博物館有戲偶互動劇場等。今年國際博物館日嘅主題係「超連結的博物館：新作為．新人類」，康文署話隨住資訊科技愈嚟愈發達，人同人之間嘅交流亦都變得多元化，博物館都要迎合趨勢搞唔同類型活動連結社區。想知多啲詳情，可以去香港公共博物館網頁：www.museums.gov.hk/IMD2018
|
| |
| |
;)
