【明報專訊】立法會圖書館藏有唔同嘅書籍、文獻，主要畀議員、議員助理同職員借用，而公眾人士亦可以去閱覽書架區嘅館藏。立法會秘書處噚日就通知議員，8月份增加咗70本書，涵蓋歷史、地理、醫學等不同內容。Emily睇過書單，發現部分書係立法會前主席曾鈺成、前議員黃毓民嘅著作。
中外人物公民抗命書都有
喺「歷史」方面嘅書，立法會買咗曾主席嘅《矛盾集》同《矛盾二集》，黃毓民嘅《從冷和到冷對抗：台灣海峽兩岸時評文集》、《毓民議壇搞事錄之三：為人辯冤白謗第一天理》；亦有關於中外政界人士嘅書，好似《鄧小平：革命人生》、《李光耀執政方略》等。至於其他範疇，好似政治、法律方面，則以英文書為主，如關注氣候變化、法律、合同法等，以至關於公民抗命、英國、歐盟等地方嘅政治及制度等書籍。
;)
