【明報專訊】因乜事連退咗休嘅工聯會榮名譽會長嫻姐陳婉嫻都要出山，烈日當空之下企喺觀塘街頭度曬？睇真啲，佢仲同工聯會後輩立法會議員何啟明舉住幾幅圖𠻹。 原來嫻姐手上拎住嘅，就係市建局2017年提交觀塘重建最新嘅構想圖，對比番2007年嘅設計又真係好大分別喎，唔單止無咗個鵝蛋形中心，連有流水瀑布特色嘅梯田式公園都無埋，唔怪得激親嫻姐啦！ 佢哋仲大罵當年市建局諮詢嗰陣，話會係「社區嘅選擇」，但𠵱家話變就變，新規劃又淪為商場式設計，根本係假諮詢，成為「市場嘅選擇」，同過橋抽板無分別，變相叫小市民硬食。 市建局之前就同區議會解釋，話係因應「有關政府部門」意見，所以改為樓面面積較實用同易於管理嘅平實設計，唔知觀塘區居民接唔接受呢？
|
| |
| |
;){kind=small}
;)
