【明報專訊】港區人大代表每年都會到內地省市考察，目前佢哋就去咗湖北武漢，展開呢屆人大代表最後一次考察。過去一個月高鐵一地兩檢成為熱話，佢哋今次考察重點之一，就係去睇當地鐵路樞紐嘅控制室，本身係立法會議員嘅田北辰又喺facebook上載考察相片，力銷高鐵有幾咁方便。 力銷高鐵比飛機便宜舒服 田北辰喺fb話，去到控制室，感覺有啲似睇新聞啲火箭發射控制室咁，形容「又大又正」。佢話專家同佢講，將來武漢搭高鐵去香港(市中心到市中心)，可以快到4個鐘多啲，即係同由香港搭飛機去武漢差唔多，但就便宜好多同舒服好多，仲話可以上網用WhatsApp，「所以駁入全國高鐵網真係越快越好」咁話。不過有網民就留言話「你應該是翻牆上Facebook的」，唔知田二少對此有無回應呢？
|
| |
| |
;){kind=small}
;)
