【明報專訊】農曆新年仲有一個月就到，社交媒體facebook最近公布一項調查，根據香港同其他亞洲地區用戶喺舊年新春期間嘅留言、分享圖片等，發現幾樣最熱門新年話題，包括喺農曆新年兩星期前開始計劃團年飯，新年頭幾日就主要分享同親朋戚友慶祝情况，假期後返工就鍾意討論?到幾多利市。調查仲發現大年初一至年初三期間，用戶透過手機上載相片、更新狀態等，比平日高出20%?！

使最多錢旅遊 其次飲食

facebook舊年針對新加坡用戶做咗項新年調查，發現已成年用戶喺農曆新年期間使最多錢出外旅遊(24%)，其次先係飲食(21%)同衣服美容(18%)。facebook仲統計埋亞洲用戶舊年新春期間最熱門「check in」(打卡)地點，其中香港同台灣用戶喺紀錄最多「check in」嘅旅遊地點，就係日本嘅大阪。