【明報專訊】律師會會長林新強周一開記招公布政改意見時，唔肯用英文答問題，只拋下一句「you can translate into English」，叫記者自行翻譯，令政界唔少人為之側目。有口痕友同Emily講，即使民建聯鍾樹根講英文講到「唔多流暢」都肯照顧外籍人，林新強作為律師會會長，咁�鼣B理手法實在令人不解。

至於林新強英文係咪差呢？Emily噚日搵過林會長，但對方無回覆。不過，立法會法律界議員郭榮鏗(Dennis)就話，佢認識�麊L新強英文唔算差，加上律師會政改意見用英文寫，照讀就得，林會長無理由處理唔到。Dennis話，法律界內有唔少外籍人士，用英文溝通好普遍，好似佢有時�鬘萿k會發言都會講英文，所以佢對林會長今次應對感到失望。

不過，Dennis話今次事件都有驚喜位，就係亞視新聞�鼣B理手法，話說亞視國際台當日無報道律師會政改意見，反而播出林新強叫記者自行翻譯�鮢oundbite，話畀觀眾聽佢�]平時採訪有幾艱辛。