【明報專訊】民主黨噚日喺傳媒新春團拜，除咗黨主席及議員等主要人物，仲有一班後生仔參加。其中80後元朗區議員鄺俊宇話，佢下星期情人節前會出版一本書《愛你，若只如初見》。佢寫開愛情小品文章，話新書會整合佢過去嘅愛情小品文章，大家諗唔到情人節禮物，不妨考慮送書。 張文光盼幫後生黨員出文集 鄺俊宇話，希望今年書展可以推出第二版，仲話今年目標係希望出版3至4本書。民主黨員就笑佢，話自從佢開始寫愛情散文，多咗好多年輕女粉絲，連上星期民主黨喺維園搞年宵，有好多著校服嘅女學生特登同佢打招呼𠻹。鄺俊宇笑住話，facebook個郵箱有成2000幾條信息，好多人都同佢分享愛情故事咁話。 講開書，張文光都希望今年可以幫黨內後生仔女出文集，結集大家過去嘅文章，例如關於香港政制發展嘅文章。
|
| |
| |
;){kind=small}
