【明報專訊】《明報》前員工都好關注更換總編輯事件，Emily噚日同資訊科技界議員莫乃光(Charles，圖)傾偈，Charles自爆原來佢都曾經係「半個」明報員工！話說佢1994年、即于品海仲執掌明報嘅時候，已喺當時收購明報嘅智才集團工作，有一段時間仲喺「明報工業中心」15樓返工𠻹。

Charles當時負責Electronic Data Processing(電子資料處理)部門，負責搞第一代明報網站，佢亦要負責教明報員工用電腦打字。不過，于品海後來被揭曾喺加拿大犯咗刑事罪行，至1995年賣咗明報，而Charles亦都無再到明報工業中心返工嘞。而明報前員工發表聲明批評公司擬空降總編輯，Charles都有聯署，真係有心。