【明報專訊】江美儀與汪詩詩昨日出席家品活動，江美儀笑指男友吳君祥愛看日本電影，所以要揀日本風牀單，令男友睇她不睇電影。她笑說：「男人會睇日本劇《半澤直樹》，揀張日本牀單，可幻想我是女主角。(平時有否跟男友一起睇三級、四級片？)不需要，我熱情如火，睇埋不得了。」男友有否偷睇？她笑說：「偷睇不緊要，睇完搵我解決，不要找其他人解決。」 江美儀正物色台慶戰衣，因見識過呂慧儀、高海寧身材太勁，自己獻醜不如藏拙，會花心思揀有睇頭而不太性感的服飾。她笑說：「很困擾，年年有機會攞獎但不給我，穿到很靚去陪坐，今年會揀長袖，坐冷板櫈很凍。我覺得自己今年是大熱，但未知有無提名。(網友發起台慶熄電視？)全台藝員都熄電視，因為個個返工，很難答，大家自由決定，我返工一定熄，環保。」 詩詩剛從紐約返港，此程陪老公甄子丹出席電影節，又會見荷李活電影人傾合作，但老公仍在揀劇本，之前有幾部不感興趣而推掉了。 記者：鍾一虹
|
| |
| |
;){kind=small}
