【明報專訊】港視主席王維基噚日到立法會，立會方面，一早築起圍欄劃定記者區，出動大量保安，連政務司長林鄭月娥(箭嘴示)亦獲「特別待遇」，避過記者。 林鄭噚日出席內委會特別會議，保安突然高度戒備，仲擅自更改採訪政策，平日記者可自由活動採訪，但喺林鄭即將離開會議室前，多個保安突封閉通道，攔阻同企喺記者前，確保記者唔可以追住林鄭，又知會記者林鄭會由會議室右邊通道離開，但記者只可喺左邊狹窄通道等候，唔可以追訪。即使Emily同保安理論亦不得要領。林鄭離開時，多個保安跟喺後面，確保順利離開。 Emily就事件問番秘書處，係咪要收緊採訪政策，定係收到指令要保護林鄭離開。秘書處噚晚回覆話，協助記者採訪政策無改變，但由於當時在場人數眾多，保安為咗維持秩序，對於無意間妨礙新聞界採訪，表示歉意。 (余俊亮攝)
|
| |
| |
;){kind=small}
