【明報專訊】中文大學喺噚日50周年校慶日頒咗5個榮譽博士學位，分別畀前律政司長黃仁龍(下圖)，東亞銀行主席李國寶，推動社運多年、100歲嘅杜葉錫恩(上圖前)，呼吸病學專家鍾南山，同埋2005年諾貝爾生理醫學獎得主Barry James Marshall。無官一身輕嘅黃仁龍話「秉行公正」係佢多年原則，可惜喺呢個年代「知易行難」，未知係咪最近有事令佢咁感觸？不過，私人執業嘅佢致辭時亦不忘推銷卸任前提倡嘅法律調解服務。 黃仁龍談秉行公正 獲中大頒榮譽社會科學博士嘅杜葉錫恩，噚日坐輪椅出席典禮，但一奏國歌就堅持企起身，最後由隔籬位嘅黃仁龍扶住企。說得一口流利廣東話嘅佢亦以廣東話致辭，領完證書喺輪椅上不停鞠躬，可愛舉動令在場人士拍掌拍得特別大聲。 領受學位後嘉賓都冇回應記者提問，得鍾南山話好高興。而「被封刀」名醫余卓文都有出席典禮，佢話開心日子唔提「封刀」嘅事。 (李澤彤攝)
|
| |
| |
;){kind=small}
