【Emily】選管會陸官函全港中六生 籲登記選民 附二維碼教學 提醒9．25夠18歲可立選投票
[2025.05.06] 發表
【明報專訊】本身係法官嘅選舉管理委員會主席陸啟康少有咁寫實體信畀全港中六學生，呼籲佢哋如果今年9月25日或之前夠18歲就登記做選民，喺年底立法會選舉行使投票權，呼籲學生履行公民責任，「為建設美好香港出一分力」。封信入面仲附有兩個二維碼，連結到教大家點樣用「智方便」登記做選民嘅短片，同埋連結去選舉事務處選民登記網頁。
2021年立法會選舉係「完善選舉制度」後首次選舉，當時地區直選投票率30.20%，係歷屆新低。
話未來發展靠青年 「一起自強」
陸官喺信中呼籲年底立法會選舉日踴躍投票，「用你的一票選出你心目中有能力、有擔當的議員」，規劃建設更繁榮美好嘅香港。佢又提到青年係香港嘅未來、希望同棟樑，香港未來發展有賴青年支持，話「一起自強，意義重大」。
陸官上個禮拜喺記者會都有呼籲合資格嘅人登記做選民，或喺6月2日前更新登記資料。佢當時話選管會唔評論、唔估算投票率，而選管會作為非政治及獨立機構，投票率唔係佢哋嘅考慮因素，最重要係提供公正、公開、誠實嘅平台，畀有志參選嘅人公平競爭。
更多港聞
【Emily】佛陀譚公同慶生 陳國基浴佛 議員睇舞龍
【明報專訊】噚日係佛誕，除咗長洲有巡遊，多區都有大型活動。政務司長陳國基出席香港佛教聯合會舉辦嘅「浴佛大典暨慶祝佛誕節吉祥法會」，話香港要發... 詳情
【明報專訊】文體旅局長羅淑佩不時親身遊覽香港特色景點，噚日就趁佛誕假期，由灣仔沿維港海濱行去北角。佢話沿途見到唔少市民同旅客，自己亦「偷得浮...
詳情
【Emily】米埔設「心寧步道」 放慢五感連結自然
【明報專訊】精神健康基金會就同世界自然基金會（WWF）香港分會合作，喺米埔自然保護區教育中心附近共同設計首條「心寧步道」，鼓勵參加者放慢腳步... 詳情
【明報專訊】世界衛生組織將每年5月5日（噚日）定為「手部衛生日」，本港衛生署響應呼籲，今年以「潔手．適時．到位」為口號推出一系列活動，包括喺...
詳情
相關新聞
