【Emily】社會關注公僕會否凍減薪 警員佐級會：遵從最終決定
[2025.02.25] 發表
【明報專訊】預算案聽日公布，坊間關注公務員會否凍薪或減薪，警察隊員佐級協會主席林志偉話，不論最終決定都會遵從，相信政府已徵詢好多專家同智囊，公務員會與香港迎難而上、共渡時艱。佢又話即使有人唔同意，但佢認為政府維持本港社會安定，係作為公務員嘅首要任務。至於會否擔心調薪損士氣，佢話薪酬對打工仔好重要，但2019年反修例事件「咁嚴重」都無影響警隊士氣，睇唔到有咩原因能足以影響。
警察隊員佐級協會噚日舉行新春團拜，前特首梁振英同警務處長蕭澤頤等出席。人工智能(AI)近年大熱，林志偉話AI融入警務工作非新鮮事，舉例舊年蘭桂坊用人流估算系統，提升工作效率；但AI主要輔助工作，現未能取代警察人性化同配合經驗執勤。佢勉勵警察保持危機感，自省工作係咪足夠同到位。
最後一次以主席身分出席嘅林志偉提到在任8年間經歷「黑暴」及疫情等艱辛日子，協會都擔當積極角色。佢希望市民未來順風順水，本港經濟變好。
更多港聞
【明報專訊】新一份財政預算案聽日出爐，行政會議成員湯家驊日前接受《信報》專訪，文章引述佢話政府面對財赤問題難大刀闊斧處理，「源於本港沒有民選...
詳情
【Emily】禁毒處教局合辦反「太空油毒品」周
【明報專訊】政府早前刊憲將依托咪酯及其3種類似物（即「太空油毒品」）列作毒品，保安局禁毒處同教育局今個星期喺全港學校合辦反「太空油毒品」周活... 詳情
【明報專訊】香港大學近月逾60名學生遇詐騙案，被騙金額達6000萬元，校方事後要求所有港大生完成防騙測驗，否則會被禁用學校設施。港大學生發展...
詳情
相關新聞
