【Emily】稱難大刀滅赤「源於沒民選政府」 湯家驊就專訪致讀者誤解致歉
[2025.02.25] 發表
【明報專訊】新一份財政預算案聽日出爐，行政會議成員湯家驊日前接受《信報》專訪，文章引述佢話政府面對財赤問題難大刀闊斧處理，「源於本港沒有民選政府」，解釋話因為市民面對唔係民選嘅政府，可能會覺得「你不是我選出來的，我為什麼要捱苦？」湯家驊日前亦喺facebook分享專訪報道，惟噚晚佢喺facebook出帖，話專訪似乎引起誤解，解釋佢唔係話民主制度下嘅政府一定無財赤，並為引起誤解致歉。
湯家驊日前喺fb嘅帖文亦話，「民主不是毒藥、更不是反制度的力量」、「民主制衡、社會多元才是發揮兩制的真正表現」，有網民留言質疑民主同民選政府與解決財赤無關聯。
湯家驊噚日解釋話，專訪係對談個幾鐘之後記者所作嘅節錄，佢只係以一啲假設例子表達唔同制度下政府回應市民訴求可能有所分別；亦澄清話專訪提及政改嘅部分，就同財赤無直接關連，「把兩個不同議題串連起來實非我的意思」，就專訪令讀者誤解原意「深感抱歉」。
更多港聞
【Emily】禁毒處教局合辦反「太空油毒品」周
【明報專訊】政府早前刊憲將依托咪酯及其3種類似物（即「太空油毒品」）列作毒品，保安局禁毒處同教育局今個星期喺全港學校合辦反「太空油毒品」周活... 詳情
【明報專訊】香港大學近月逾60名學生遇詐騙案，被騙金額達6000萬元，校方事後要求所有港大生完成防騙測驗，否則會被禁用學校設施。港大學生發展...
詳情
相關新聞
