【Emily】禁毒處教局合辦反「太空油毒品」周
[2025.02.25] 發表
【明報專訊】政府早前刊憲將依托咪酯及其3種類似物(即「太空油毒品」)列作毒品，保安局禁毒處同教育局今個星期喺全港學校合辦反「太空油毒品」周活動，有講座、禁毒影片播放同戲劇表演等，以加強學生對「太空油毒品」禍害認知，及鞏固學生遠離毒品嘅決心。
禁毒處發言人話，教育局已製作同上載反「太空油毒品」嘅生活事件教案、「同心築夢，攜手抗毒」音樂錄像，並發通函向學校提供唔同政府部門製作嘅相關資源，畀學校參考同採用，亦歡迎學校安排學生參觀香港賽馬會禁毒資訊天地。
教育局話，鼓勵學校透過反「太空油毒品」周嘅活動教授學生遠離毒品，亦呼籲教職員、學校社工同家長，若察覺學生有吸毒迹象，應轉介佢哋接受適當輔導同治療。
更多港聞
【明報專訊】香港大學近月逾60名學生遇詐騙案，被騙金額達6000萬元，校方事後要求所有港大生完成防騙測驗，否則會被禁用學校設施。港大學生發展...
詳情
相關新聞
