【Emily】史上最高 新春六合彩一注贏1.93億
[2025.02.03] 發表
【明報專訊】六合彩新春金多寶噚晚攪珠，頭獎10元一注獨中彩金原先估計高達1.88億元，屬六合彩頭獎史上最高派彩紀錄，攪珠結果噚晚揭盅，頭獎1注中，幸運兒獨攬超過1.93億元彩金，破晒紀錄。Emily得悉，呢名超級幸運兒係親身去投注站現金買飛嘅。
幸運兒投注站現金買飛
噚晚嘅攪珠結果係14、18、30、36、40、42，特別號碼1。頭獎1注中，每注派193,762,620元；二獎12注中，每注派121.5萬元；三獎有536.5注中，派7.25萬元。總投注額逾3.8億元。
灣仔春園街多人等開閘買飛
巨獎當前吸引好多人去投注站落注，馬會場外投注站噚日提早兩個鐘喺朝早10點開門，其中灣仔春園街投注站喺開門前已有唔少人排隊，午飯時間肉眼所見都有過百人排隊，唔少人著住紅色衫。
熱門投注站嘅中環士丹利街投注站人龍可謂由朝排到晚，要出動職員舉「龍尾」牌𠻹。
翻查馬會資料，唔計2021和2022年無攪珠，新春金多寶自1986年以來舉行過37次攪珠，都有人中頭獎，舊年由兩組運財號碼(俗稱電腦飛)中頭獎，其中10元一注頭獎派彩8200多萬元，係歷來頭獎最高派彩紀錄第8位。
更多港聞
【Emily】沒報道今屆四徑 運動雜誌：跑者安全考量
【明報專訊】紀錄片《香港四徑大步走》叫好叫座，是以呢項山跑界活動「香港四徑超級挑戰」（四徑）亦成為城中熱話，香港運動雜誌《Trailhk》反... 詳情
【Emily】東岸板道工程挑戰 甯漢豪話裝嵌要「睇水」
【明報專訊】北角東區走廊下嘅東岸板道（西段）已經開放，發展局長甯漢豪噚日喺網誌話，炮台山至鰂魚涌嘅東岸板道，係首個喺運作中嘅主要幹道下加建嘅... 詳情
【Emily】血庫存量餘兩日 盧寵茂偕同事捐獻
【明報專訊】近期唔少市民因為感染流感而暫時捐唔到血，加上農曆新年唔少人外遊，令捐血人數大受影響，血庫僅餘兩日存量。醫衛局長盧寵茂噚日就同太太... 詳情
【明報專訊】擬於3月初開幕嘅啟德體育園陸續於園區內舉辦唔同活動，首次喺啟德零售館舉辦嘅「香港室內定向挑戰盃」就會喺3月23日舉行，賽事設有1...
詳情
相關新聞
