【Emily】啟德室內定向賽 穿梭3幢零售館
[2025.02.03] 發表
【明報專訊】擬於3月初開幕嘅啟德體育園陸續於園區內舉辦唔同活動，首次喺啟德零售館舉辦嘅「香港室內定向挑戰盃」就會喺3月23日舉行，賽事設有10個組別，參加者要用最短時間穿梭總面積近70萬平方呎嘅3座零售館選擇路線並尋找控制點，各組得獎者有機會獲得金、銀、銅駿馬獎盃。賽事名額有限，滿額即止。
分10組別 設障礙小迷宮
啟德零售館由3座建築組成，每座最高達5層。參加者需利用大會提供、印有控制點位置嘅地圖，根據地圖資料穿梭商場唔同樓層，同時選擇路線並尋找控制點，用時最短者勝出。根據活動網站，賽事將設多項挑戰，如人工障礙及小型迷宮等。
賽事分別有由2至4人直系親屬組成一隊嘅「家庭組」，報名費每隊368元；不限年齡嘅「精英/公開組」，報名費每人208元；不設年齡限制嘅「優悠組」，報名費每人188元；以及設有年齡限制嘅「青年組」、「少年」及「兒童」，報名費每人168元。
更多港聞
相關新聞
