【Emily】港燈模擬電車供電站故障 兩小時「復常」
[2025.01.23] 發表
【明報專訊】港燈喺剛過去嘅禮拜日(19日)凌晨舉行實地緊急復電演練，模擬北角明園電車供電站凌晨1點半發生突發電力事故，影響東、西行方向電車嘅電力供應，經過近兩個鐘「故障」終於修復。
港燈：加強雙方緊急應變力
演練時，港燈另派出緊急維修車趕往現場處理，香港電車亦派咗一架配備有升降工作台、負責調整電車系統架空供電網絡嘅工程車協助。工程人員即場決定先隔離「故障」電力裝置，再緊急搶修及更換零件，並隔離咗來自有問題供應點電源，及利用工程車將天后區架空供電網絡嘅供電源，調撥到另一組電力供應點。港燈話，透過同電車公司演練，可加強喺遇上突發事件時雙方嘅緊急應變能力。
更多港聞
【Emily】偕區議員屋邨擺街站 海關屯門宣傳反私煙
【明報專訊】香港海關一連兩日（21及22日）聯同多名屯門區議員和多個政府部門舉行聯合反私煙宣傳活動，在蝴蝶邨、湖景邨、和田邨、欣田邨、安定邨... 詳情
相關新聞
