【Emily】派潮語揮春 田北辰：「財富自由」最受歡迎
[2025.01.20] 發表
【明報專訊】新春將至，實政圓桌田北辰今年派發「潮語揮春」，佢話「財富自由」最受歡迎，相信大家都希望新一年荷包鬆動啲。民建聯主席陳克勤就同市民一齊製作「木揮春」，賀年之餘亦傳遞環保信息。
陳克勤學製木揮春讚環保
田北辰喺facebook話，近日落區舉辦新年活動同街坊玩遊戲，並派發「潮語揮春」，最多人鍾意「財富自由」，「食極唔肥」同「仙氣逼人」就獲女士歡迎，而近來流感肆虐，都有唔少人揀「百毒不侵」。田北辰趁機獻計，引述街坊話如果商場平時多啲遊戲活動，就唔會成日北上深圳消費。
陳克勤噚日就到灣仔參加一個環保嘉年華製作「木揮春」，揀選祝福字句同貼上木板，Emily見佢揀咗「身體健康」同埋「靚」。陳認為環保小手工係好好嘅環保體驗，希望小朋友將學習到嘅環保信息帶番學校與社區。另外，香港義工聯盟、香港友好協進會、香港島各界聯合會、九龍社團聯會及新界社團聯會等10個社團，將於新春到各區舉行「年年有米、歲歲有餘」派米活動及「新春送暖展關懷」行動，噚日先到上水為北區街坊送上祝福。
更多港聞
【Emily】「友智識」18區推 教老友記用App
【明報專訊】智能手機幾乎人人都用，但對長者嚟講使用時都會遇上困難。社會創新及創業發展基金資助非政府機構喺全港18區推行「友智識」，12間機構... 詳情
憂「大抽獎」專才增競爭 家長報10私小直資後備
【明報專訊】俗稱「大抽獎」的升小統一派位選校期昨日結束。各類專才計劃帶動學童來港入學，有本地家長憂慮子女入讀心儀小學的競爭增加，有人同時報逾... 詳情
【明報專訊】多間大學的研究項目獲研究資助局撥款。其中中文大學昨表示，生命科學院教授許浩霖協調一個名為「地球生物基因組計劃香港：蝴蝶與下一代科...
詳情
相關新聞
