【Emily】「AI黃國」借錢呃幾十萬 靠把聲騙黃國友人 近月第二單冒議員得手
[2025.01.18] 發表
【明報專訊】騙徒無處不在，工聯會理事長黃國話有朋友早前收到「AI黃國」透過電話向佢借錢，朋友不虞有詐，先後匯款幾十萬元。黃國噚日報警，佢同Emily講，議員經常公開發言，容易被騙徒利用聲音行騙，促請警方加強以科技應對。
黃報警 促警方科技應對
黃國喺facebook話，近日有朋友突然追佢還錢，覺得莫名其妙，之後發現原來係有騙徒懷疑利用AI製作酷似黃國嘅聲音，透過電話向佢朋友借錢。黃國強調自己無借錢，對於朋友有金錢損失深感不安，已經報警，希望盡快將騙徒繩之於法。
黃國話唔清楚騙徒透過電話通話定短訊借錢，暫時亦未收到其他朋友表示中招。佢關注騙徒利用AI製作合成聲音行騙，市民唔易分辨真偽，呼籲大家提高警覺。
其實今次唔係首次有人冒認立法會議員行騙，去年底有騙徒以AI模仿勞聯議員周小松嘅聲音，誘騙一名工會理事多次轉帳，損失近5萬元。
更多港聞
【Emily】黃偉綸何永賢探劏房戶 籲「踏一步」遷簡屋過渡房
【明報專訊】政府正就簡樸房規管諮詢持份者，房屋局長何永賢噚日喺社交平台發帖，提到前晚同副財政司長黃偉綸、工聯會議員吳秋北同郭偉强，仲有東區區... 詳情
【Emily】港國際法律培訓學院 25內地法官「畢業」
【明報專訊】政府近年有意將香港打造成國際高端法律人才聚集高地，去年成立香港國際法律人才培訓學院。噚日律政司長林定國喺facebook出帖，恭... 詳情相關新聞
