【Emily】黃偉綸何永賢探劏房戶 籲「踏一步」遷簡屋過渡房
[2025.01.18] 發表
【明報專訊】政府正就簡樸房規管諮詢持份者，房屋局長何永賢噚日喺社交平台發帖，提到前晚同副財政司長黃偉綸、工聯會議員吳秋北同郭偉强，仲有東區區議員吳清清一齊探訪西灣河分間單位住戶，了解佢哋居住情况及困難。
佢哋探訪嘅住戶包括住喺約60方呎分間單位嘅雙老家庭、200方呎唐樓劏房嘅一家四口，分別交緊3000元同7100元月租。何永賢話佢哋深感居住環境惡劣，但考慮到對社區熟悉、子女返學等問題而未搬走。
何永賢話聽到居民最大憂慮係適應新環境，強調政府會同營運簡約公屋或過渡房屋嘅機構做好配套，等有需要市民放心踏前一步，扭轉惡劣居住環境嘅困局。
更多港聞
【Emily】港國際法律培訓學院 25內地法官「畢業」
【明報專訊】政府近年有意將香港打造成國際高端法律人才聚集高地，去年成立香港國際法律人才培訓學院。噚日律政司長林定國喺facebook出帖，恭... 詳情相關新聞
