【Emily】特首三司民望微升 李家超重回合格
[2024.08.28] 發表
【明報專訊】中大香港亞太研究所噚日公布政府最新民望調查，結果顯示受訪市民對特首李家超同3個司長整體表現評分(見表)，較3個月前齊齊微升，但統計學上未達顯著水平。
研究所今年7月31日至8月12日以電話訪問708名年滿18歲市民，結果顯示對特首李家超整體表現評分平均係51.8，重新達到50分合格水平，較今年5月升1.9分，女性、60歲或以上、教育程度小學或以下、或傾向建制嘅市民對佢評分較高。
至於政務司長陳國基、財政司長陳茂波、律政司長林定國，市民對佢哋最新評分分別係47.8、49.4、47.4，較上次上升2.1、0.8同2；陳茂波嘅評分維持三司中最高。
另外，31.6%受訪市民表示「信任」特區政府，較5月升5.8個百分點，「不信任」就有26.2%，下跌4.4個百分點；另有35.2%受訪市民話「信任」中央政府，升2.6個百分點，「不信任」就有25.7%，跌3.9個百分點。
特區滿意度相若去年 中央信任度升
研究所比較去年7月嘅調查，受訪者對特區政府嘅表現滿意度及信任，以至對特首及3個司長嘅評分都相若，唯獨對中央政府信任度嘅變化較明顯，約一年間升6.6分。
更多港聞
【Emily】回歸文物展開幕 林定國話舊物 「唔講大話嘅證據」
【明報專訊】香港收藏家協會喺中央圖書館展覽廳舉辦該會30周年暨慶回歸文物展覽，展出好多舊物，律政司長林定國噚日喺開幕禮致辭，用法律語言打開話... 詳情
【Emily】天秀路泳池遊樂場啟用 設6米滑梯
【明報專訊】康文署轄下嘅天水圍天秀路游泳池同遊樂場今日起開放，分別提供區內首個按摩池，同埋巨型滑梯及同攀石牆。泳池喺天秀路20號，隔離就係香... 詳情
【Emily】教聯倡深圳向港買位 畀內地童入讀
【明報專訊】新一份《施政報告》10月公布，香港教育工作者聯會提出超過50項建議，包括參考「按額津貼」做法，由深圳出資向特區政府「買位」，畀深... 詳情
【Emily】美國人撰書寫功夫 梁美芬：說好中國故事
【明報專訊】曾撰寫《朱鎔基傳：朱鎔基與現代中國的轉型》嘅美國人龍安志（Laurence J. Brahm）出版新書《九龍門：尋找功夫》，主要... 詳情相關新聞
