【Emily】教聯倡深圳向港買位 畀內地童入讀

[2024.08.28] 發表

【明報專訊】新一份《施政報告》10月公布，香港教育工作者聯會提出超過50項建議，包括參考「按額津貼」做法，由深圳出資向特區政府「買位」，畀深圳非港籍學生跨境來港入讀公營學校，以解決本港學齡人口下跌，中小學及幼稚園收生不足，以及未來幾年深圳學額供不應求嘅問題。

教聯會認為，雖然高才通等人才計劃申請人嘅子女來港，可以為本地增加學生，但多數係插班生，對學校開班作用唔大。教聯會認為教育局應該向學校提供100萬元一筆過額外津貼，鼓勵辦學團體合併旗下學校，或同其他辦學團體嘅學校合併，至於喺合併學年出現嘅超額教師，應獲准留任3年過渡。

本港近年推動STEAM教育，教聯會話有外國嘅人工智能程式被禁用，係嚴重阻礙世界科技發展及人才培育，所以建議政府發展由內地主導嘅數字教育平台，例如運用百度「文心一言」、商湯「商量(SenseChat)」等人工智能，構建一個不受干擾嘅本地人工智能大模型體系。

更多港聞

【明報專訊】曾撰寫《朱鎔基傳：朱鎔基與現代中國的轉型》嘅美國人龍安志（Laurence J. Brahm）出版新書《九龍門：尋找功夫》，主要... 詳情