【Emily】深水埗舊𨋢門搵到好人家 免變廢鐵 業主：皆大歡喜
[2024.07.29] 發表
【明報專訊】本報喺5月份報道，深水埗南昌街60年樓齡嘅廣豐樓，因為要更換舊款升降機，而業主眼見古董升降機部件當廢鐵棄掉好可惜，於社交平台呼籲有心人接收。大廈業主同Emily講番事件進展，話唔少人對舊物有興趣，13隻升降機門日前已獲6組收藏者運走，當中有非牟利機構嘅古蹟資源中心，亦有幾間舊物店取用做裝飾，更有藝術愛好者收藏。
大廈業主同Emily講，原先都驚會剩番一兩道電梯門，要業主自己清理，𠵱家全部有人取走，皆大歡喜。業主話，為咗保留呢啲組件，一直同電梯公司周旋，要求配合，因為業主眼中好有歷史價值嘅嘢，對電梯公司嚟講只係廢鐵，怕佢哋掉咗啲配件；而今次成功搵到收留者，業主們都感到好滿足。被拆走嘅迅達牌升降機機門髹上深綠色，喺大廈入伙時已使用，大廈一直有為舊𨋢定期保養，但因為升降機實在太舊款，已好難搵到配件，且維修費好貴，業主縱有不捨，最後都決定換上新款升降機。
更多港聞
【Emily】服務評分比例增 8000商舖獲優質認可
【明報專訊】全港今年有近8000間餐飲、零售及旅客住宿服務商舖，獲旅遊發展局優質旅遊服務計劃認可，比舊年多咗300幾間。旅發局話今年修訂評審... 詳情
【明報專訊】中文大學香港亞太研究所就貧富懸殊做調查，有10.2%受訪者話目前家庭收入唔足夠應付日常開支，較去年上升3個百分點；38.5%嘅人...
詳情
相關新聞
