【Emily】讀醫有咩生存要訣？ 中大醫學院長：跟大隊
[2024.06.22] 發表
【明報專訊】中大醫學院噚日喺facebook上載短片，向多個教授同學生「快問快答」。問到院長趙偉仁(圖)讀醫有咩生存要訣，佢就好調皮咁話「跟大隊！」，問佢從「看見未來」同「回到過去」二揀一，佢就講笑話「回到未來」，因為電影Back to the Future係佢最鍾意嘅電影。
看未來或回過去？ 趙偉仁揀「回未來」
短片訪問咗多個師生唔同問題，問到如果全世界都唔郁得、只有自己可以郁會做啲乜，唔少師生都話希望瞓覺或者「躺平」休息，亦有學生話想趁機溫多啲書，贏過班同學。有駐院實習醫生就爆響口，話院長新辦公室已經裝修完，想偷偷哋入去睇下。
至於最鍾意中大啲咩，趙偉仁維持一貫答案：「人情味」；亦有唔少學生話最鍾意中大嘅人，覺得教師、同學會陪伴自己經歷好多事，仲有家人嘅感覺。
更多港聞
【明報專訊】立法會下月中起休會「放暑假」，至10月中先至復會，有議員會抽時間同屋企人外遊唞唞，但同時會安排唔少外訪同公務活動，當中包括立法會...
詳情
【Emily】模擬大型活動散場潮 啓德站重大事故演習
【明報專訊】明年上半年啟用嘅啟德體育園預計會舉辦唔少大型活動，包括明年11月全運會嘅部分項目。警務處等多個部門噚日凌晨喺港鐵啟德站進行跨部門... 詳情
相關新聞
