【Emily】海防館改為「抗戰海防館」

[2024.05.18] 發表

【明報專訊】政府噚日刊憲，9月3日起香港海防博物館會改為「香港抗戰及海防博物館」，5月22日將會提交草案到立法會，以「先訂立後審議」程序立法。康文署話，改設博物館將重點介紹抗戰歷史，透過公眾同教育活動，提升香港市民尤其青少年愛國及對抗日歷史嘅認識，同埋向抗日先烈致敬。

9月實施定期搞抗戰專題展

康文署話，博物館內嘅專題展覽廳將定期舉辦抗戰相關專題展覽，並同內地嘅文博機構合辦展覽，其中首個同深圳市文物局合作嘅專題展覽會喺9月開幕，介紹東江縱隊喺深圳同香港地區共同抗戰事迹。

康文署又話，改設後嘅博物館會推出一系列多元化公眾及教育活動，包括專題講座、歷史考察、工作坊、巡迴展覽同互動劇場等，博物館內亦會增設展覽空間，介紹中國喺香港地區及廣東一帶嘅海防工事。

更多港聞

【明報專訊】國務院港澳辦主任夏寶龍日前喺北京會見文體旅局長楊潤雄，提出要推出「香港無處不旅遊」理念。噚日離島區議會提振地區工作小組開會討論推... 詳情