【Emily】暑期「國際綜藝合家歡」今起售票
[2024.05.10] 發表
【明報專訊】今年嘅「國際綜藝合家歡」將喺7月5日至8月11日舉行，其中有14個舞台節目，包括雜技、魔術、舞蹈、音樂、劇場、偶戲等不同類型嘅演出，由意大利、瑞典、加拿大、比利時、西班牙等國家，以及本地同內地嘅藝術家演出，另有電影節目辦事處負責嘅「夏日親子電影節」。節目門票今日起喺城市售票網發售。
活動由康文署主辦，根據節目表介紹，開幕節目係中國最大及唯一嘅國家級雜技團體「中國雜技團」演出《青春ing》，包括有單車雜技、高拐、轉碟等高難度動作。本地演出團體就有香港小交響樂團、普劇場、城市當代舞蹈團等。
至於夏日親子電影節就喺7月13日至8月27日舉行，有超過50場電影，其中10部係長篇作品，開幕電影《大件事！阿女要食雞！》就攞過多項歐洲動畫大獎，講述母親為煮美味雞餐，搞到滿城風雨，背後充滿女兒對早逝父親嘅思念。
更多港聞
中大中文系致歉 認文集缺授權 全系列停售 梁莉姿：感被尊重，聯署終止
【明報專訊】中大中國語言及文學系出版的學生作品集《吐露滋蘭（第三輯）》被指未獲作者授權，約百名校友日前聯署要求交代。系方昨日致歉，承認作品集... 詳情
相關新聞
