【Emily】粗口車結緣 Tyson Yoshi做小學頒獎嘉賓
[2024.04.27] 發表
【明報專訊】歌手Tyson Yoshi早前將印有英文粗口嘅保時捷跑車泊喺上環街頭，引來一班天主教總堂區學校嘅小學生圍觀，不過事件無惹來校方批評，日前校方仲邀請佢為學校頒獎(圖右二)。
噚日學校喺facebook上載日前學校才藝表演同頒獎禮嘅短片，見到Tyson Yoshi現身。Tyson前晚亦喺Instagram(IG)上載短片，片中佢用英文向在場家長、學生道歉，話自己唔應該喺嗰度泊車。
Tyson頒獎後再同在場學生分享有關事業嘅選擇，「如果為興趣嘅話，鍾意做就繼續做啦」，但唔建議係為搵錢或者出名，仲話希望小朋友做所有嘢都以開心為主，但就提醒佢哋唔好犯法。
Tyson早前將一班小學生圍觀佢部保時捷嘅短片放上IG，其後學校回應佢嘅帖文，邀請合作，話希望用「文字嘅魔力」(The Power of Words)為題，畀同學思考點樣設計車身。Tyson應承選出作品再畀公眾投票，勝出作品會印喺朋友嘅座駕車身，最終結果已「出爐」，設計以綠白兩色為主，並有「Tyson Yoshi」字樣嘅拉花。
更多港聞
【Emily】滬港合作會議 15領域65項目達共識
【明報專訊】「滬港合作會議」噚日第六次開會，特首李家超開場發言時話，今次會議就創新科技及產業發展、城市及規劃管理、文化創意產業、青年發展及金... 詳情
【明報專訊】立法會主席梁君彥原定3月初組團去印尼、新加坡、馬來西亞考察，但當時有指因應《基本法》23條立法，全部議員都要留港「候命」，考察團...
詳情
【明報專訊】首階段「走塑」已於周一（22日）起實施，近日部分替代餐具質素引起關注。環保署噚日透過「大嘥鬼」喺社交平台公布，「走塑有賞」手機A...
詳情
相關新聞
