【Emily】立會7議員5月東盟考察
[2024.04.27] 發表
【明報專訊】立法會主席梁君彥原定3月初組團去印尼、新加坡、馬來西亞考察，但當時有指因應《基本法》23條立法，全部議員都要留港「候命」，考察團因而押後。噚日議會聯絡小組委員會主席張宇人喺內務委員會表示，考察團已改喺5月12日至18日；嗰個周三(5月15日)係佛誕公眾假期，唔會舉行立法會大會，至於其他日子嘅事務委員會、小組委員會會議就會如期舉行。
今次考察團有7個議員參加，每人預算4.1萬元，根據年初公布嘅立法會文件，行程包括拜訪當地國會議長同議員，亦會同相關政府部門、機構及企業交流，了解當地政制、經濟及旅遊發展、創新科技、培育新興產業等方面嘅最新發展。
另外，中聯辦主任鄭雁雄將應梁君彥邀請，將喺6月28日到立法會同全體議員午宴；而鄭雁雄舊年7月14日出席議員午宴時，提到中聯辦嘅主要角色依然係「聯絡服務」，寄語議員對政府監督需要下苦功。
更多港聞
【明報專訊】首階段「走塑」已於周一（22日）起實施，近日部分替代餐具質素引起關注。環保署噚日透過「大嘥鬼」喺社交平台公布，「走塑有賞」手機A...
詳情
相關新聞
