【Emily】滬港合作會議 15領域65項目達共識
[2024.04.27] 發表
【明報專訊】「滬港合作會議」噚日第六次開會，特首李家超開場發言時話，今次會議就創新科技及產業發展、城市及規劃管理、文化創意產業、青年發展及金融等15個合作領域，共65個項目達成共識。
兩地簽署20份合作文件，進一步拓展雙方合作，包括上海廣播電視台同港台簽署合作備忘、上海市文物局同發展局簽署關於深化考古及文物建築交流合作嘅意向書等。
李家超提到，自2003年召開首次滬港合作會議以來，兩地交往日益頻繁，港商喺上海嘅投資金額由當年嘅20億美元，上升至去年174億美元，而香港亦成為上海主要出口市場之一，亦係上海最大嘅外商投資來源地。率領上海市代表團嘅市長龔正提到，兩地交流超過20年，情誼亦喺互學互見、互利共贏當中不斷昇華。
醫衛局長盧寵茂噚日亦同上海市衛健委主任聞大翔率領嘅代表團開會，就兩地簽署嘅諒解備忘錄內4個重點進一步交流，包括傳統中醫藥、公立醫院高質量發展、社區衛生、傳染病防控及衛生應急。
更多港聞
【明報專訊】立法會主席梁君彥原定3月初組團去印尼、新加坡、馬來西亞考察，但當時有指因應《基本法》23條立法，全部議員都要留港「候命」，考察團...
詳情
【明報專訊】首階段「走塑」已於周一（22日）起實施，近日部分替代餐具質素引起關注。環保署噚日透過「大嘥鬼」喺社交平台公布，「走塑有賞」手機A...
詳情
相關新聞
