【Emily】共創明Teen「校友」就職 陳國基囑薪火相傳
[2024.03.25] 發表
【明報專訊】第一期「共創明Teen」計劃學員上年11月舉行畢業禮，之後成立嘅「共創明Teen校友會」畀一班同學仔繼續參加唔同活動。其中70人被挑選為青年委員，組成7個青年委員會，負責聯繫各區嘅「校友」同策劃活動，噚日朝早仲喺迪士尼樂園酒店舉行就職禮。政務司長陳國基都有出席，佢喺facebook話聽咗一班畢業學員分享校友會成立後嘅各項活動，又睇咗佢哋特別準備嘅跳舞同唱歌表演，話大家嘅表現令佢刮目相看，感動之餘仲好欣慰。佢話，希望各委員能夠將計劃入面學到嘅知識技能學以致用，向「師弟妹」分享經驗，長大後擔任友師，貫徹薪火相傳嘅精神。
負責籌辦校友會嘅東華三院主席韋浩文致辭話，校友會為畢業學員提供一個全面嘅學習平台，畀佢哋開闊眼界、建立正向人生觀，同為未來定立目標，希望各位學員把握機會，積極參與活動，凝聚青年力量，積極貢獻社會。
更多港聞
研納米藥增療效 藥劑生獲尤德獎學金 吸入式先攻肺癌新冠 念本土情留港發展
【明報專訊】眼見不少病患藥石無靈，或受副作用影響，港大藥劑學畢業生陳浩雲放棄當藥劑師，投身科研，盼研製港產新藥助更多病人得到個人化治療。他昨... 詳情
【明報專訊】第六屆「名師高徒」計劃昨舉行啟動禮，共56名科學家及工程師擔任義務導師，指導105名本地高中理科生，冀啟發學生探索科研，「為社會...
詳情
【明報專訊】上期《智學公民》邀請元朗商會中學公民與社會發展科主任黃鳳鳴老師，以及伊利沙伯中學舊生會湯國華中學公民與社會發展科主任羅啟心老師，...
詳情
相關新聞
