【Emily】慶3．8 特首送花畀女局長
[2024.03.09] 發表
【明報專訊】噚日係三八國際婦女節，特首李家超喺facebook話佢專程向女司局長送花，感謝佢哋過去一年盡心盡力為香港服務。從相片可見，有份收花嘅官員包括特首辦主任葉文娟(左二起)、房屋局長何永賢、發展局長甯漢豪、公務員局長楊何蓓茵同民青局長麥美娟。至於教育局長蔡若蓮就外訪緊而未有當面收花，李家超話已透過同事代送禮物。
李家起話政府重視婦女各方面嘅發展，婦女事務專員同埋一站式家庭及婦女資訊平台分別會喺下個月同下半年就任同運作，幫助推動婦女事務。
保安局長鄧炳強亦喺facebook多謝協助23條立法嘅「女功臣」副秘書長廖李可期，仲親手送上蛋糕，話噚日雖然都係喺忙碌中度過，但希望藉蛋糕感謝對方無懼風雨，一齊迎難而上。
更多港聞
相關新聞
