【Emily】U18冰球港隊首奪金牌
[2024.03.09] 發表
【明報專訊】中國香港冰球隊周四(7日)喺國際冰聯世界男子U18冰球錦標賽第三組別B組奪得金牌，係U18冰球史上第一面金牌。港隊亦有兩名球員榮獲賽事個人獎項，吉文軒獲最佳後衛、甘星耀獲最佳守門員。
今次賽事3月4至7日喺南非開普敦舉行，參賽隊伍分別有中國香港、南非、土庫曼同及泰國；港隊先後以11比1同8比3贏咗南非同土庫曼，雖然最後一場以1比3輸畀泰國，但喺3隊同分下港隊以較佳得失球排名第一，攞到史上第一面金牌；而呢個冠軍亦令港隊下年可以晉級去U18男子第三組別A組。
中國香港冰球總會嘅新聞稿提到，港隊噚日凱旋回歸，今晚會返抵香港。
更多港聞
相關新聞
