【Emily】高中陝西團 教局邀隨行 議員意見多 激親梁美芬
[2023.11.11] 發表
【明報專訊】立法會內務委員會噚日討論教育事務委員會下月2日至5日隨學生團到內地考察，以了解高中公民與社會發展科嘅內地考察活動安排，但唔少議員對行程有意見。今次考察團主題係陝西歷史文化及航天科技，但唔少議員認為行程側重歷史文化，科技創新界議員邱達根更質疑，行程包括參觀一所航空或高科技企業，同「航天」有好大分別，「大人都成日搞錯，唔搞清楚(字眼)對學生唔係幾好」。
漁農界議員何俊賢就話，行程之一係參觀陝西供港蔬菜基地，對自己應否隨行感疑惑。新民黨主席葉劉淑儀更話行程似「旅遊套餐」，「含金量低」，又認為對要忙於區議會助選嘅議員唔公平。
李慧琼叫再同教局傾 梁：無必要拖
教育事務委員會主席梁美芬解釋，今次係應教育局邀請隨團了解考察團實况，而唔係議員考察團，認為改動行程機率唔高。內會主席李慧琼建議教育事務委員會同教育局再傾傾，押後一星期表決；梁美芬就認為無必要拖延，「一係同意一係唔同意」，但其黨友、經民聯林健鋒反駁「唔應該草率決定」，最終無表決，下周再交內會討論。
立法會初步計算，每個跟團議員嘅開支約13,500元，以暫時9個議員參加計，即涉12.1萬元。
更多港聞
【Emily】旅發局×菲泰韓導演 拍微電影宣傳香港
【明報專訊】旅發局近日推出《亞洲名導的香港景深》系列，由來自菲律賓、泰國、韓國嘅導演創作3套以香港為主題嘅微電影，噚日喺本港公映兩場後，今個... 詳情
【明報專訊】各行各業都鬧「人才荒」，唔少公司出現流失，但又好難請人，就連政府都唔例外。政府唔同部門不時都有職位空缺，最近特首辦同政務司長官邸...
詳情
【Emily】再去酒樓「客串」 葉劉談推車技巧
【明報專訊】新民黨主席、行政會議召集人葉劉淑儀噚日到訪鴨脷洲西邨嘅誠信酒樓，遇到買少見少嘅蒸爐點心車同煎糕車，考慮到呢款傳統點心車逐漸淘汰，... 詳情相關新聞
