【Emily】換唔切衫悼江澤民 李梓敬：好遲收通知
[2022.12.02] 發表
【明報專訊】前國家主席江澤民日前病逝，中聯辦喺辦公樓內設靈堂，接受香港各界弔唁。噚日下晝先後有政界到場弔唁，好多人都著深色或黑色西裝、套裝出席。不過Emily發現，立法會議員李梓敬一身便服到場，黑色T恤配卡其色長褲同埋白波鞋，企埋喺其他議員身邊色調有啲格格不入。
「如早知要弔唁 一定著西裝」
李梓敬同Emily解釋，話佢噚日係好遲先收到通知，一點幾先收到通知要去中聯辦，而弔唁大概3點進行，佢話當時已經離開咗屋企出席活動，所以已經換唔切衫。過往星期三同四都有立法會大會，大部分議員都會著西裝出席，李梓敬就解釋，前日(周三)已提早完會，見噚日有時間就計劃落區，所以先諗住打扮得輕便啲方便工作。佢仲話，如果早啲知要去弔唁，一定會著西裝出席，不過好彩自己本身都著咗深色衫。
更多港聞
【Emily】知柯創盛「唔唱K」 柯媽悉破電騙
【明報專訊】「猜猜我是誰」騙案日增，觀塘區議會主席民建聯柯創盛（柯仔）噚日出席秀茂坪警區「全民反詐騙宣傳日」，提到媽媽都差啲成為受害人。柯仔... 詳情
【Emily】「撐你㗎」 自殺者親友製Sticker勉同路人
【明報專訊】面對摯親自殺，親友痛苦莫名。兩位曾經歷親友輕生嘅有心人，創作輕鬆嘅卡通畫作，製成10幅WhatsApp動態貼圖（Sticker）... 詳情
【明報專訊】今個月有兩場選舉，包括立法會補選以及港區人大代表選舉。噚日教聯會搞咗個見面會，安排一批教育界及創科界選委到場，同6名參加立法會補...
詳情
相關新聞
