【Emily】田二少：若免專才BSD 應禁賣10年
[2022.08.11] 發表
【明報專訊】行政會議召集人葉劉淑儀日前接受彭博社訪問，提出豁免內地專才在港置業嘅買家印花稅(BSD)，政府澄清無相關討論同計劃，但已惹起地產股起落。曾係新民黨成員嘅實政圓桌田北辰噚日喺facebook話，「民間任何人都可以提出政策建議」，但理念必須清晰，豁免嘅理據係為提振經濟？定係吸引人才？
倘因經濟差減辣 「製造另一問題」
翻查資料，政府2012年推出BSD前，本港樓價急升，當時亦有唔少內地資金湧入本地樓市，政府先後推出多項「辣招」遏抑樓價。田北辰噚日喺facebook反問：「今日炒樓問題已經解決嗎？」佢話，若因為𠵱家經濟疲弱而放寬「辣招」，「就等如為了一個問題而製造另一個問題」。
如果係為解決人才流失嘅難題，田北辰認為，政府要研究多方面解決措施，以BSD為例，係可以討論如何區分炒家同有意來港發展嘅人才，又舉例符合某啲條件嘅優才或可免徵收BSD，但10年內禁止買賣，因為禁售期愈長，就正符合吸引人才在港發展嘅目標。田北辰強調，「理念要清晰，討論才不會失焦，更要避免製造更大的問題」。
更多港聞
【明報專訊】為提倡環保，政府建議將膠袋徵費由現時5毫加到1元，今年底實施。立法會相關小組委員會噚日討論，建測規園界議員謝偉銓提出加至2元嘅修...
詳情
【Emily】教局辦網上研討 助教員識別學生精神健康
【明報專訊】距9月新學年開學唔夠一個月，教育局為協助學生適應校園生活，同埋提升佢哋嘅抗逆力，今個月起將會推出新一輪活動，鼓勵學生、學校同家長... 詳情
【Emily】港區省級政協聯 想年底每日兩萬人通關
【明報專訊】港區省級政協委員聯誼會會長施榮懷同常務副會長余鵬春、李德麟、張學修等一行前日拜訪特首李家超，聯誼會噚日發新聞稿話當日就內地事務、... 詳情相關新聞
